დღე მე-9 რეფლექსია

     დღეს იყო დასკვნითი ეტაპი ჩვენი ტრენინგის.შევაჯამეთ ჩვენი  ცხრადღიანი მუშაობა,თითოეულმა გავაკეთეთ საკუთარი  პორტფოლიოების პრეზენტაცია.ვიყავით ერთმანეთის თეთრი და შავი ოპონენტები. საკმაოდ ეფექტური მეთოდია, დავინახეთ პროექტის ძლიერი და სუსტი მხარეები, მივეცით ერთმანეთს  რეკომენდაციები რომელსაც გავითვალისწინებთ შემდეგში. ტრენინგი იყო ძალიან ნაყოფიერი ჩემთვის,რომელმაც დამანახა პროექტით სწავლების უპირატესობა,რომელსაც აუცილებლად განვახორციელებ.
   თვითონ ტრენინგი იყო პრაქტიკული სამუშაოებით დატვირთული, ადვილდ გასაგები, მკაფიო ინსტრუქციებით  მდიდარი,რომელიც  უშუალოდ ტრენერის დამსახურებაა და დიდი მადლობა მას ამისთვის.

                                                     დღე მე-8 რეფლექსია

  დღეს  გავაკეთე  მოსწავლის  ნაშრომის ფასილიტაციის ნიმუში,რომელიც მოსწავლეს  აძლევს სწორ მიმართულებას,რათა მან შეძლოს დამოუკიდებლად მუშაობა.ასეთი მიდგომა მოსწავლეს გახდის თვითრეგულირებადს და მისცემს მას თვითრეალიზების საშუალებას.
         ასევე დავასრულე და მთლინობაში მოვიყვანე ჩემი პორტფოლიო  და ავტვირთე დრაივზე შესაბამის საქაღალდეებში.

                                      დღე-7  რეფლექსია

   მივიღე ეფექტური უკუკავშირი შეფასების რუბრიკებზე,ასევე გავიხსენე გარდნერისა და ბლუმის მატრიცა, რომელიც  ხელს უწყობს  დიფერენცირებულ სწავლებას,ასევე მოსწავლეს უვითარებს თვითრეგულირების უნარს,რომელიც მოსწავლეთა წარმატების საწინდარია.
   ასევე ვისწავლე ბლოგის ფონის,ჩანართების შექმნა.

                              მე-6 დღე   რეფლექსია

  დღეს გავეცანით პროექტის შეფასების რუბრიკებს, ასევე დეტალურად განვიხილეთ თითოეული ჩვენთაგანის მოსწავლის ნაშრომი, საკმაოდ კარგი  უკუკავშირი მივიღე,რომ შევინარჩუნო  სწორი მიმართულება.  ასევე ძალიან საჭირო ტექნიკური უნარ-ჩვევები შევისწავლე pptt პროგრამაში  სამუშაოდ,რომელიც ნამდვილა დამეხმარება ჩემს საქმიანობაში ეფექტური  პრეზენტაციის მოსამზადებლად.

                                                  დღე მე-5   რეფლექსია


   დღეს ვიყავი მოსწავლის როლში,ამიტომ ძალიან მნიშვნელოვანი რამ გავიგე, კერძოდ რამდენად მნიშვნელოვანია მოსწავლეს მივცე  მკაფიო ინსტრუქციები დავალების შესასრულებლად,გავითვალისწინო ყველა უნარ-ჩვევა რომელიც ჭირდება აღნიშნული დავალების შესრულებას, პერიოდულად განვახორციელო მონიტორინგი.

                                                    დღე მე-4 რეფლექსია


    დღეს ვიმუშავეთ შეფასების ინსტრუმენტებზე პროექტის ფარგლებში.შეფასება ჩემთვის ცოტა რთული საკითხია,მაგრამ ტრენინგის ფარგლებში იმდენად დეტალურად განვიხილეთ, ყველაფერი თავის ადგილზე დადგა. კერძოდ გამოვიყენებ ეტაპობრივ შეფასებას პროექტის მიმდინარეობის დროს.ასევე ონლაინ კოლოაბორაციის ფორმა, რომლის გამოყენებას შევეცდები მოსწავლეებთან ურთიერთობაში, რაც გაზრდის მოსწავლეთა ჩართულობას სასწავლო პროცესში და აამაღლებს სწავლა სწავლების ხარისხს.  უკუკავშირის  ფორმები.რომლის გარეშე წარმოუდგენელია ეფექტური კომუნიკაცია.

                                                   დღე მე-3  რეფლექსია

   განვიხილეთ ბუკლეტების ნიმუშები და მე მივხვდი რა უნდა შევცვალო ჩემს მიერ გაკეთებულ ბუკლეტში.დავიწყეთ პროექტზე მუშაობა და მე ვისწავლე  და ჩამოვაყალიბე პროექტის შინაარსი.ასევე გავიგე მიმართულების მიმცემ  კითხვებს შორის რა განსხვავება და დამოკიდებულებაა,რომელსაც გამოვიყენებ ჩემს მუშაობაში,რათა გავზარდო მოსწავლეთა ჩართულობის ხარისხი საგნის სწავლებისადმი მრავალფეროვანი მიდგომით.

                                            დღე-2      რეფლექსია


     დღევანდელი დღე ძალიან ნაყოფიერი  იყო ჩემთვის. მოვისმინე კოლეგების პროექტის  იდეები,გავეცანი მახასიათებლების ჩეკლისტს,პორტფოლიოს შეფასების რუბრიკას, პუბლიკაციის მომზადებას, თუ  როგორ გავაკეთო ბუკლეტი.ყოველივე ამის შემდეგ გამიადვილდება პროექტზე მუშაობა.

                                                      დღე  პირველი.
                                                            რეფლექსია
მე კმაყოფილი ვარ დღევანდელი დღით. გავეცანი ტრენინგის მზანს, მოდულებს, ვნახე ვიდეო მასალა,რომელშიც  კარგად იყო ნაჩვენები პროექტით სწავლების ეფექტურობა.
გავეცანი 21-საუკუნის უნარჩვევებს. ვისურვებდი დავეუფლო პროექტით სწავლების ტექნიკას